𝐃𝐚𝐚𝐡𝐟𝐮𝐫𝐤𝐚 𝐊𝐮𝐥𝐥𝐢𝐲𝐚𝐝𝐝𝐚 𝐒𝐚𝐱𝐚𝐚𝐟𝐚𝐝𝐝𝐚 𝐏𝐮𝐧𝐭𝐥𝐚𝐧𝐝

Garoowe, 20-11-,2025 Waxaa Cawa si rasmi ah looga daahfuray Kulliyadda Saxaafadda Puntland (Journalism and Mass Communication), taasoo noqoneysa kulliyaddii ugu horreysay ee noocaan ah ee laga hirgaliyo gudaha Puntland. Kulliyaddan cusub ayaa lagu asteeyey inay noqoto xarun horumarineed oo kor u qaadda aqoonta, xirfadaha iyo hannaanka warbaahinta casriga ah ee gobolka.

Munaasabadda daahfurka waxaa kasoo qaybgalay mas’uuliyiin ka tirsan Wasaaradda Warfaafinta, oo ay hoggaaminayeen Wasiirka Wasaradda Hon. Mohamud Aidid Diririyo Agaasimaha Guud, Mohamed Isse Osman xubno ka socday labada gole ee dowladda, ururka MAP, Guddoomiye ku xigeenka Jaamacadda PSU, iyo khubaro warbaahineed oo qayb muhiim ah ka qaatay madasha.

Kulliyadda Saxaafaddu waxay leedahay ujeeddo cad: in lagu tayeyo warbaahinta Puntland, laguna soo saaro suxufiyiin aqoon durugsan leh, xirfad iyo anshax suxufinimo casri ah, si ay door muuqda uga qaataan kobcinta adeegyada warbaahineed ee bulshada.